رواية ارهقني عشقها الفصل العاشر 10 بقلم دينا عبدالله
كان داخل ومعاه رهف كانت لابسه فستان سواريه ابيض وهي ماسكه ايديه و بتبتسمله
قربت وداد منه وقالت بصدمه: مين دي يا ولدي
بص معتز لوجدان اللي كانت مصدومه وكانت مستنيه رده.. رد معتز وقال: مراتي
انصدمت وداد قوى.. قعدت وجدان علي الكنبه بصدمه مش مصدقه انه اتجوز عليها
وداد بغضب: انت بتقول ايييه.. مراتك كيف
معتز ببرود: مراتي علي سنة الله ورسوله اييه فيها حاجه دي
وداد بغضب: انت اتجننت كيف تتجوز واحده تانيه وتجيبها علي هنا كمان
معتز ببرود: وفيها اي يعني الشرع محللي اربعه
وداد: وهو عشان محللكم اربعه تعمل كده... اربعه بشروط مش اربعه والسلام... انت تطلقها دلوقتي وترجعها علي بيت اهلها قبل ما يرجع ابوك ويشوف المصيبه اللي انت عملتها
معتز ببرود: مش هطلقها ورهف هتعيش معايا هنا وفي شقتي ومحدش لو دخل بيها
بعدين مسك ايد رهف وكان لسه هيطلع وقفتو وجدان وهي بتقول بصراخ ودموع: طلقني
ابتسم بسخريه وبصلها وقال: انا لو كنت عايز اطلقك كنت طلقتك من بدري... بس مليش مزاج
وخد رهف وطلع علي شقته.. انهارت وجدان وهي بتبكي جامد. و وداد واقف تبص على طيف ابنها وهي مش مصدقه انه اتجوز تاني
راحت قعدت جنب وجدان وحضنتها كأنها بنتها بجد وقالتلها بحزن: حقك علي يا بتي.. بس اصبري بس لما يرجع ابوه انا هخليه يربيه من اول وجديد... دا باين عليه اتجنن ولا ايه..... اهديه يارب.... اهديه يارب وصبرني
دخلت رهف مع معتز الشقه... بصت في كل مكان وقالت: شقتك حلوه
سابها وراح قعد علي الكنبه وحط دقنه علي ايديه بتفكير وشرود
راحت رهق قعدت جنبه وقالت: وبعدين هتعمل ايه.. واحنا هنفضل كدا كتير
بصلها شويه بعدين بص للفراغ من غير ما يرد عليها
ـــــــــــــــــــــــــــــــــــــــــــــــــــــــــــــــ
رجع الحاج ناصر مع جاسم.. استغرب لما لقي وجدان بتبكي جامد و وداد بتحاول تهديها
قرب جاسم وقال: في ايه مالها وجدان
وقفت وداد وقالت بغضب: روح شوف اخوك هبب ايه
ناصر بقوة: عمل ايه
وداد: راح اتجوز واحده تاني وجابها تعيش معاه هنا وهو دلوقتي معاها فوق في شقته ووجدان البنيه عمال تبكي ومقهوره وهو ولا حاسس بيها كأنه مبقاش حد يهمه
مكنش جاسم مصدق ان معتز اتجوز علي وجدان.. ناصر بصدمه غضب: اتجوز..... روح نادم ابن الكـ لب وقولي ينزلي
هز جاسم راسه وجري ينادم علي اخوه... طلع خبط علي الباب فتحتله رهف.. بصلها جاسم بصدمه وبعد دقيقه لقي معتز وراها وقال: خير يا جاسم عايز ايه انت التاني
جاسم: انا كلامي معاك بعدين.. انزل دلوقتي حالا لأبوك والا هيطربق الدنيا علي دماغك
نزل جاسم بصت رهف لـ معتز بصلها وقال: خليكي هنا شويه وراجع
نزل لقي ناصر بيبصله بغضب شديد قرب معتز وقال بهدوء: خير في ايه
ناصر بغضب شديد: انت جايب البرود والبجاحه دي منين.. انت ازاي تتجوز واحده تانيه علي مراتك
بص معتز لوجدان اللي كانت بتبصله وفي عنيها حزن وانكسار بص لأبوه وقال: وايه يعني هو انا اول ولا اخر واحد يتجوز علي مراته
ناصر بغضب عارم: انت اتجننت ياد... اقول للحاج راشد ايه دلوقتي اقوله ولدي اتجوز علي بتك.... انت مش عارف بعمتلك الطين دي هتبوظ كل حاجه... مفكرتش غير في نفسك بس يا ابن الكـ لب
معتز بهدوء: خلصت كلامك ولا في حاجه تاني هتقولها
مصله ناصر وجاسم بدهشه من كلامه ازاي يكلم ابوه كدا.. وداد بغضب: انت بقي معندكش دم.. انت ازاي تكلم ابوك كدا... انت جرالك ايه
معتز بهدوء: هو انا قولت حاجه غلط
ضم ناصر اديه بغضب وكان لسه هيضرب معتز بس جاسم منعه وقاله ررجاء: خلاص يا ابوي... سبهولي انا.. انا هتكلم معاه
معتز بدهشه: انت هتضربني يا ابوي وعشان ايه كل ده
ناصر بغضب عارم: اضربك واكسر برقبتك كمان.. لما اشوفك عتميل يبقي لازم اعدلك قبل ما تميل علي الكل
معتز بغضب: وانا ايه الغلط اللي انا عملته... كل دا عشان اتجوزت
ناصر بغضب: تطلع تجيب بت الكـ لب اللي فوق دي وتطلقها دلوقتي وترجعها علي اهلها انت فاهم
معتز: انا مش هطلق ودا آخر كلام عندي
خد جاسم معتز وطلع بيه علي شقة جاسم قبل ما المشاكل تكبر وقفل الباب وراه.. قعده علي الكنبه وقاله بغضب: ايه اللي انت بتعمله ده
معتز بغضب: انت التاني هتيجي عليا
قعد جاسم واتكلم بهدوء وقال: انت ازاي تتجوز علي وجدان مش انت بتحبها يبقي كيف اتجوزت عليها كيييييف
قام معتز وقال بغضب مكتوم: عايزه تحس بالوجع والكسره اللي انا كنت حاسس بيها.... عايزها تتوجع زي ما وجعتني
جاسم بدهشه: ايه اللي انت بتقوله ده... انت كده فاكر انك بتعاقبها هي بس.. طب ما انت يا غبي عتتعاقب معاها اها.... وبعدين انت قولتي انك سامحتها وهتبدأ معاها صفحه جديده ايه اللي اتغير عاد
معتز: مش مطمن
جاسم: يعني ايه مش مطمن
معتز: مهي مش فيوم وليله كدا فجأه هتنسي ادهم وتحبني انا... أفرض رجع يكلمها وقالها كلمه كدا ولا كدا وقلبها حن ليه تاني هيبقي موقفي انا ساعتها ايييه
جاسم: مش مطمنلها طلقها احسن من اللي انت بتعمله ده... واقولك علي حاجه وانا متأكد ان وجدان مش هترجع لادهم تاني بعد اللي حصل تصرفاتها معاك اللي انا بشوفها صادقه وشكل البت بدأت تحبك يبقي ليه تعك الدنيا كدا.... حرام عليك ياخي
معتز بغضب: حرام عليا واللي كانت بتعمله معايا مش حرام
جاسم بغضب: اللي فات مات يا ولد ابوي وهي دلوقتي اتغيرت وقيدالك صوابعها العشره شمع عايز ايه تانى... طيب خليني ماشي معاك.. هتعذبها وتعاقبها طب وبعدين البت اللي انتا اتجوزتها دي هتطلقها ولا هتعمل معاها اي
معتز: احنا اصلا مش متجوزين
جاسم بصدمه: يانهار ابوك اسود... كل ده وفي الاخر مش متجوزها.. تقعد معاها في اوضه واحده وانتم مش متجوزين.. غلط.. غلط يا ولد ابوي اللي انت بتعمله ده غلط
رجع قعد معتز علي الكنبه وقال: اومال كنت عايزني اعمل ايه يعني اقعد مع وجدان واسامحها علي كل حاجه كدا بالساهل عشان ترجع تكرر اللي عملته تاني... لع انا اادبها واخليها تحس باللي انا كنت حاسس بيه... عشان تتعلم من غطلتها وتحس بيها ولما تحبني تحبني من قلبها مش حب وخلاص
هز جاسم راسه وقال: والله ما عارف اقولكم ايييه.. ربنا يهديكم ويصلح حالكم
ـــــــــــــــــــــــــــــــــــــــــــــــــــــــــــــــ
طلعت وجدان شقتها بعد ما اقنعتها وداد بصعوبه انها تطلع لحد ما يشوفه حل للموضوع
لقيت اوضتها مفتوحه.. راحت علي الاوضه بسرعه لقيت رهف قاعده علي السرير ولابسه شورت قصير اسود علي توب وهي بتحط منكير في ضوافرها
وجدان بغضب: انتي بتعملي ايه في اوضتي.. امشي اطلعي برا
بصلتها رهف بطرف عينيها بعدين رجعت بصت لضوافرها وقالت برقه: معلش يا جوجو اصل ميزو حبيبي قالي ان الاوضه دي هتبقي بتاعتي انا وهو وانتي هتقعدي في الاوضه التانيه اللي علي الجنب دي
بصتلها وجدان بدهشه وقالت: الاوضه دي بتاعتي.. اطلعي برا وغوري انتي في انهي داهيه تعجبك
قامت رهف ووقفت قدام وجدان وقالت: افهم من كلامك انك موافقه على جوازي من ميزو.... بصراحه مكنتش متوقعه خالص.. يعني كنت متوقعه انك مش هتقبلي وهتطلبي الطلاق وتتطلقي وترجعي علي بيت اهلك ونعيش انا وميزو لوحدنا
اندهشت وجدان من وقاحتها في الكلام.. بس سكتت وفكرت هل هي فعلا هتوافق علي كدا وتقبل علي نفسها بدا وتعيش مع ضره في البيت.. هزت راسها بـ لا وطلعت من الاوضه لقيت معتز دخل الشقه وقفل الباب راحت عنده وقالتله بدموع وغضب شديد: طلقني
بصلها ببرود وكان هيسيبها ويمشي بس مسكت ايديه وقالت بصوت عالي وغضب: بقولك طلقني.. ايييه اطرش مبتسمعش
مسك ايديها ولفها ورا ضهرها بقوة وبص في عنيها وشاف فيهم حزن كبير وجدان بدموع: سيب ايدي انت بتوجعني
معتز: هو انتي بتحسي بالوجع اصلا
وجدان بدموع: انت بتعاملني كده ليه حرام عليك
معتز: حرام واللي انتي كنتي بتعمليه معايا مش حرام
وجدان بدموع وحزن: ما خلاص بقاا قولتلك كنت غلطانه وندمت عايزني اعملك ايه تاني عشان تحس بيا وتعرف اني ندمت ومش هعمل كده تاني
معتز بسخريه: وانتي عايزه تطلقي ليه
وجدان بدموع: مش هستحمل اعيش معاك ثانيه وانت علي زمتك واحده تانيه
ضحك ضحكه مليانه وجع وقال: والله... طيب منا استحملت اني مراتي تحب غيري وكانت هتهرب معاه وتسيبني ويعني مطلقتكيش بالعكس دنا كنت هموت وفضلت متمسك بيكي ومسبتكيش... وانتي جايه دلوقتي عايزه تطلقي عشان اتجوزت تاني وعلي سنة الله ورسوله متجوزتهاش في الحرام... تسميه ايه دا
وجدان بدموع: انت ليه مصر انك متفهمنيش... انت ليه مش فاهمني
سابها وقال: عشان انتي عمرك ما فهمتيني
وجدان بدموع وحب: بس دلوقتي فهماك وبقيت عارفاك كويس
معتز: وانتي فاهمه اي بقي
وجدان: انت بتعمل كده عشان توجعني صح
ابتسم بسخريه وقال: و اوجعك ليه وانتي مبقتيش فارقه معايا اصلا
انصدمت من كلامه وكان لسه هيدخل الاوضه عند رهف بس وقف لما سمعها بتقوله: معتز انا بحبك
.
.
#يتبع
#الفصل_العاشر
#ارهقني_عشقها
#بقلني_دينا_عبدالله
